DOORSPEK100 -ein-

DOORSPEK 100 -ein- is de ièrste dialekbundel met 100 gedichte en spinsels van Loot 18. Inkele foto's en teikeningskes make 't gehièl compleet.D'n bundel is doorspek met verscheie vreeje dichvorme en geschreve in 't Venloos dialek binne de Limburgse taal. 't Dialek dreig te verdwiène terwiel ze good as twieëde taal (smeis modertaal) gekoesterd kin waere. Steeds dökker wuurt in dialek geapp en dus geschreve. Um de 'vernederlandsing' van 't dialek ónder de aandach te bringe is laeze de bewuswaering van de schrièfwiès. Dialek haet mièrwaerd in de taalontwikkeling. Daonaeve is dees bundel veural ouk bedoeld as laesplezeer. De speulse- en smeis kwante stökskes euver alledaagse zake, verleeje en toekóms, mins, neteur en mièr gaeve smeis stóf um euver nao te dinke.